Ispaniya terma jamoasi bugun Yevrodagi g‘alabasini nishonlash uchun Madridga yetib keldi.
Milliy terma jamoa va Yevropa kubogini olib ketayotgan samolyot bir necha soat avval chempionlik paradi bo‘lib o‘tadigan Ispaniya poytaxtiga qo‘ndi.
Ispaniya terma jamoasi sardori Alvaro Morata va bosh murabbiy Luis de la Fuente kubokni samolyotdan olib chiqishdi.
Kecha Ispaniya Berlinda Yevro-2024 finalida Angliyani mag‘lub etdi (2:1).
To‘rtinchi bor Yevropa chempionligini qo‘lga kiritgan ispanlar turnir unvonlari soni bo‘yicha yakka peshqadamga aylanishdi.