"Yuventus" vingeri Federiko Kyezaga Angliya Premyer-ligasining yana bir klubi qiziqish bildirmoqda.
"Keksa senyora" rahbariyati 26 yoshli futbolchiga yangi klubi izlashi mumkinligi haqida allaqachon ma’lum qilgan, chunki yangi bosh murabbiy Tiago Motta unga ishonmaydi. La Gazette Dello Sport xabariga ko‘ra, Londonning "Tottenxem" klubi o‘z e’tiborini Kyezaga qaratgan. "Shporlar" allaqachon "Yuventus" bilan bog‘lanib, ehtimoliy transferni muhokama qilishgan.
Transfermarkt portali tomonidan 35 million yevroga baholangan Federiko Kyezaning shartnomasi kelasi yozda tugaydi. Avvalroq, italiyalik futbolchiga "Roma", "Napoli", "Aston Villa", "Manchester Yunayted" va "Bavariya" da’vogarlar sifatida ko‘rsatilgandi.
