"Ювентус" вингери Федерико Кьезага Англия Премьер-лигасининг яна бир клуби қизиқиш билдирмоқда.
"Кекса сеньора" раҳбарияти 26 ёшли футболчига янги клуби излаши мумкинлиги ҳақида аллақачон маълум қилган, чунки янги бош мураббий Тиаго Мотта унга ишонмайди. La Gazette Dello Sport хабарига кўра, Лондоннинг "Тоттенхэм" клуби ўз эътиборини Кьезага қаратган. "Шпорлар" аллақачон "Ювентус" билан боғланиб, эҳтимолий трансферни муҳокама қилишган.
Transfermarkt портали томонидан 35 миллион еврога баҳоланган Федерико Кьезанинг шартномаси келаси ёзда тугайди. Аввалроқ, италиялик футболчига "Рома", "Наполи", "Астон Вилла", "Манчестер Юнайтед" ва "Бавария" даъвогарлар сифатида кўрсатилганди.
