Ispaniya bosh vaziri Ispaniya terma jamoasini Yevro-2024'dagi g‘alabasi bilan tabrikladi.
Pedro Sanches jamoani Madriddagi Monkloa saroyida o‘zining rasmiy qarorgohida qabul qildi.
"Chempionlarimizni, har biringizni tabriklayman. Men sizga adolatli va chiroyli o‘ynaganingiz, eng yaxshi fazilatlaringizni namoyish qilganingiz, g‘alaba qozonish uchun bor kuchingizni sarflaganingiz va strategik yondashuvdan foydalanganingiz uchun minnatdorchilik bildirmoqchiman.
Ba’zida eng yaxshi jamoalar g‘alaba qozona olmaydi, lekin siz xuddi kinodagidek o‘ynadingiz va Ispaniya to‘rtinchi Yevropa chempionligini qo‘lga kiritdi. Barcha futbolchilar, murabbiylar va texnik xodimlarni tabriklayman.
Bu g‘alaba tarixiy nuqtayi nazardan muhim voqeadir. Ispaniyadan boshqa hech bir jamoa Yevroda 4 marta g‘alaba qozonmagan. Bizgacha hech kim bitta turnirda 7 o‘yindan 7 tasida g‘alaba qozonmagan edi.
Bu g‘alabalar Fransiya, Germaniya, Angliya - yetakchi futbol jamoalari ustidan qozonilgan. Bu g‘ayrioddiy natija", – dedi Sanches.
