Испания бош вазири Испания терма жамоасини Евро-2024'даги ғалабаси билан табриклади.
Педро Санчес жамоани Мадриддаги Монклоа саройида ўзининг расмий қароргоҳида қабул қилди.
"Чемпионларимизни, ҳар бирингизни табриклайман. Мен сизга адолатли ва чиройли ўйнаганингиз, энг яхши фазилатларингизни намойиш қилганингиз, ғалаба қозониш учун бор кучингизни сарфлаганингиз ва стратегик ёндашувдан фойдаланганингиз учун миннатдорчилик билдирмоқчиман.
Баъзида энг яхши жамоалар ғалаба қозона олмайди, лекин сиз худди кинодагидек ўйнадингиз ва Испания тўртинчи Европа чемпионлигини қўлга киритди. Барча футболчилар, мураббийлар ва техник ходимларни табриклайман.
Бу ғалаба тарихий нуқтайи назардан муҳим воқеадир. Испаниядан бошқа ҳеч бир жамоа Еврода 4 марта ғалаба қозонмаган. Бизгача ҳеч ким битта турнирда 7 ўйиндан 7 тасида ғалаба қозонмаган эди.
Бу ғалабалар Франция, Германия, Англия - етакчи футбол жамоалари устидан қозонилган. Бу ғайриоддий натижа", – деди Санчес.
