Ispaniya terma jamoasi va Bilbaoning “Atletik” klubi darvozaboni Unai Simon operasiya qilinishi kerak.
Bu haqda Ispaniyaning El Larguero nashri X (sobiq Twitter) ijtimoiy tarmog‘ida xabar berdi.
Manbaga ko‘ra, basklar jamoasining ikkinchi darvozaboni Xulen Agirresabala ham jarohat olgan, biroq Simonga jarrohlik aralashuvi tavsiya etiladi.
Shu tariqa, mavsum boshlanishiga qadar “Atletik”da birorta ham sog‘lom asosiy jamoa darvozaboni qolmaydi.
Eslatib o‘tamiz, Simonning jarohati o‘tgan yili maydon tashqarisida olingan va tasodifan yuzaga kelgandi. Og‘riq doimiy bo‘lsa-da, darvozabonning mashg‘ulot o‘tkazishi va normal o‘ynashiga to‘sqinlik qilmadi.
