Испания терма жамоаси ва Бильбаонинг “Атлетик” клуби дарвозабони Унаи Симон операция қилиниши керак.
Бу ҳақда Испаниянинг El Larguero нашри Х (собиқ Twitter) ижтимоий тармоғида хабар берди.
Манбага кўра, басклар жамоасининг иккинчи дарвозабони Хулен Агирресабала ҳам жароҳат олган, бироқ Симонга жарроҳлик аралашуви тавсия этилади.
Шу тариқа, мавсум бошланишига қадар “Атлетик”да бирорта ҳам соғлом асосий жамоа дарвозабони қолмайди.
Эслатиб ўтамиз, Симоннинг жароҳати ўтган йили майдон ташқарисида олинган ва тасодифан юзага келганди. Оғриқ доимий бўлса-да, дарвозабоннинг машғулот ўтказиши ва нормал ўйнашига тўсқинлик қилмади.