Aralash juftliklar bo‘yicha 2020 yilgi Olimpiada chempioni, dunyoning sakkizinchi raketkasi, rossiyalik tennischi Andrey Rublyov ATP reytingining kuchli 100 taligidan tashqaridagi o‘yinchi bilan uchrashib, ketma-ket uchinchi uchrashuvida mag‘lub bo‘ldi.

Bu Rublyov Shvesiyadagi ATP-250 toifasidagi qumli turnirda sodir bo‘ldi. Birinchi raqamda saralangan Rublyov ikkinchi davrada dunyoning 121-raketkasi Argentina vakili Tyago Agustin Tirantega 6:7 (5:7), 6:3, 4:6 hisobida imkoniyatni boy berdi.

Andrey Rublyovning ATP reytingining kuchli 100taligiga kirmagan tennischilar bilan so‘nggi o‘yinlari:

Rimda "Masters" (3-tur). Rublyov (4) – Aleksandr Myuller (Fransiya, dunyoning 109-raketkasi) – 6:3, 3:6, 2:6.
"Uimbldon" (1-raund). Rublyov (6) – Fransisko Komezanya (Argentina, dunyoning 122-raketkasi) – 4:6, 7:5, 2:6, 6:7 (5:7).
Bastaddagi turnir (2-bosqich). Rublyov (1) – Tyago Agustin Tirante (Argentina, dunyoning 121-raketkasi) – 6:7 (5:7), 6:3, 4:6.