"Barselona" markaziy himoyachisi Ronald Arauxo "Manchester Yunayted"ga o‘tmaydi.
Yangi shartnoma bo‘yicha muzokaralardagi muammolar tufayli "Barselona"dagi kelajagi so‘roq ostida qolayotgan urugvaylik futbolchiga da’vogarlar qatorida ingliz grandi ham ko‘rsatilgan. Sport xabariga ko‘ra, "Manchester Yunayted" "ko‘k-anorranglilar" himoyasining 25 yoshli yetakchisiga qiziqishni yo‘qotgan, chunki ular allaqachon Leni Yoroni sotib olishgan. Eslatib o‘tamiz, 18 yoshli fransiyalik futbolchining transferi “qizil iblislar”ga 62 million yevroga tushgan.
Ronald Arauxoning "Barselona" bilan amaldagi shartnomasi 2026 yilgacha mo‘ljallangan va futbolchining narxi Transfermarkt portali ma’lumotlariga ko‘ra, 70 million yevroni tashkil qiladi.
