"Барселона" марказий ҳимоячиси Рональд Араухо "Манчестер Юнайтед"га ўтмайди.
Янги шартнома бўйича музокаралардаги муаммолар туфайли "Барселона"даги келажаги сўроқ остида қолаётган уругвайлик футболчига даъвогарлар қаторида инглиз гранди ҳам кўрсатилган. Sport хабарига кўра, "Манчестер Юнайтед" "кўк-анорранглилар" ҳимоясининг 25 ёшли етакчисига қизиқишни йўқотган, чунки улар аллақачон Лени Йорони сотиб олишган. Эслатиб ўтамиз, 18 ёшли франциялик футболчининг трансфери “қизил иблислар”га 62 миллион еврога тушган.
Рональд Араухонинг "Барселона" билан амалдаги шартномаси 2026 йилгача мўлжалланган ва футболчининг нархи Transfermarkt портали маълумотларига кўра, 70 миллион еврони ташкил қилади.
