"Nissa" markaziy himoyachisi Jan-Kler Todibo "Yuventus"ga o‘tishga tayyor.
Avvalroq ma’lum bo‘lganidek, "keksa sinyora" fransiyalik futbolchi bilan kelishuvga erishgan - tomonlar besh yillik shartnoma borasida kelishib olishgan. Bu ma’lumotni insayder Nikolo Skira ham tasdiqladi, 24 yoshli futbolchi uchun kurashda turinliklar "Manchester Yunayted" va "Atletiko Madrid"ni ortda qoldirgan. "Vest Xem" ham "Barselona"ning sobiq markaziy himoyachisini sotib olmoqchi bo‘lganlar qatorida edi.
"Yuventus" "Nissa"dan Jan-Kler Todiboni sotib olish majburiyati bilan ijaraga oladi. Fransuz klubi taklif qilingan shartlardan qanoatlanadimi yoki yo‘qmi hozircha ma’lum emas.
