Xvicha Kvarasxeliya katta ehtimol bilan "Napoli"da qoladi.
Corriere dello Sport xabariga ko‘ra, jamoaning yangi bosh murabbiyi Antonio Konte Kvarasxeliyani o‘z loyihasida markaziy shaxs sifatida ko‘rmoqda. U Yevro-2024 davomida futbolchi bilan aloqada bo‘lgan.
Konte gruziyalik vingerdan hayratda qolgan - Xvicha o‘z rivojlanishi uchun tajribali murabbiy bilan ishlashni xohlaydi.
Futbolchi "Napoli" bilan yangi shartnoma imzolashga tayyor - klub unga besh yillik shartnoma taklif qilmoqda, unga ko‘ra Kvarasxeliyaning maoshi yiliga 5 million yevroni tashkil etadi va shartnoma yakuniga ko‘ra 7 million yevrogacha ko‘tarilishi mumkin.
Qanot futbolchisi va uning agenti tovon puli bilan yiliga 8 million yevrolik shartnomani talab qilishdi.
O‘tgan mavsumda Kvarasxeliya A Seriyada 34 o‘yin o‘tkazib, 11 gol urgan va 6 golga assistentlik qilgan.
