Хвича Кварацхелия катта эҳтимол билан "Наполи"да қолади.

Corriere dello Sport хабарига кўра, жамоанинг янги бош мураббийи Антонио Конте Кварацхелияни ўз лойиҳасида марказий шахс сифатида кўрмоқда. У Евро-2024 давомида футболчи билан алоқада бўлган.

Конте грузиялик вингердан ҳайратда қолган - Хвича ўз ривожланиши учун тажрибали мураббий билан ишлашни хоҳлайди.

Футболчи "Наполи" билан янги шартнома имзолашга тайёр - клуб унга беш йиллик шартнома таклиф қилмоқда, унга кўра Кварацхелиянинг маоши йилига 5 миллион еврони ташкил этади ва шартнома якунига кўра 7 миллион еврогача кўтарилиши мумкин.

Қанот футболчиси ва унинг агенти товон пули билан йилига 8 миллион евролик шартномани талаб қилишди.

Ўтган мавсумда Кварацхелия А Серияда 34 ўйин ўтказиб, 11 гол урган ва 6 голга ассистентлик қилган.