«Manchester Yunayted» hujumkor yarim himoyachi Meyson Mauntning kelajagi borasida bir qarorga keldi. Nufuzli insayder Fabrisio Romanoning ijtimoiy tarmoqlarda xabar berishicha, matbuotdagi xabarlarga qaramay, klub futbolchini sotmaydi.

25 yoshli Mauntning o‘zi hozirda bor e’tiborini «Manchester Yunayted»da o‘ynashga qaratgan. Muvaffaqiyatsiz mavsumdan so‘ng yarim himoyachi jamoada o‘z o‘rniga ega bo‘lish uchun bor kuchini ishga solishga ahd qilgan.

Umuman olganda, Meyson Maunt «Manchester Yunayted» safida 20 ta o‘yin o‘tkazib, o‘z hisobiga bitta gol va jamoadoshiga bitta golli uzatma yozdirib qo‘ygan. "Transfermarkt" portali mutaxassislari futbolchini 35 million yevroga baholamoqda.