«Манчестер Юнайтед» ҳужумкор ярим ҳимоячи Мэйсон Маунтнинг келажаги борасида бир қарорга келди. Нуфузли инсайдер Фабрицио Романонинг ижтимоий тармоқларда хабар беришича, матбуотдаги хабарларга қарамай, клуб футболчини сотмайди.
25 ёшли Маунтнинг ўзи ҳозирда бор эътиборини «Манчестер Юнайтед»да ўйнашга қаратган. Муваффақиятсиз мавсумдан сўнг ярим ҳимоячи жамоада ўз ўрнига эга бўлиш учун бор кучини ишга солишга аҳд қилган.
Умуман олганда, Мэйсон Маунт «Манчестер Юнайтед» сафида 20 та ўйин ўтказиб, ўз ҳисобига битта гол ва жамоадошига битта голли узатма ёздириб қўйган. "Transfermarkt" портали мутахассислари футболчини 35 миллион еврога баҳоламоқда.
