Ispaniya terma jamoasi va Bilbaoning “Atletik” klubi darvozaboni Unai Simon jarohati tufayli kamida to‘rt oyni o‘tkazib yuboradi. Bu haqda Marca xabar bermoqda.
Manbaga ko‘ra, 19-iyul, juma kuni futbolchi jarrohlik amaliyotidan so‘ng shifoxonadan chiqarilgan.
Xabar qilinishicha, agar odatdagidek tiklansa, darvozabon to‘rt oyni o‘tkazib yuboradi, shuningdek, La Liganing bo‘lajak mavsumida 14 ta o‘yinda va Yevropa Ligasining 4 o‘yinida ishtirok etmaydi.
Eng yomon ssenariyda, Simon Yevropada Rojdestvo ta’tillari oxirigacha qaytmaydi: u deyarli butun birinchi davra va Yevropa Ligasi guruh bosqichining barcha o‘yinlarini o‘tkazib yuboradi.
