Испания терма жамоаси ва Бильбаонинг “Атлетик” клуби дарвозабони Унаи Симон жароҳати туфайли камида тўрт ойни ўтказиб юборади. Бу ҳақда Marca хабар бермоқда.
Манбага кўра, 19-июль, жума куни футболчи жарроҳлик амалиётидан сўнг шифохонадан чиқарилган.
Хабар қилинишича, агар одатдагидек тикланса, дарвозабон тўрт ойни ўтказиб юборади, шунингдек, Ла Лиганинг бўлажак мавсумида 14 та ўйинда ва Европа Лигасининг 4 ўйинида иштирок этмайди.
Энг ёмон сценарийда, Симон Европада Рождество таътиллари охиригача қайтмайди: у деярли бутун биринчи давра ва Европа Лигаси гуруҳ босқичининг барча ўйинларини ўтказиб юборади.
