Fransiya ichki ishlar vaziri Jerald Darmanen Le Journal du Dimanche  gazetasiga bergan intervyusida mamlakat josuslik va kiber hujumlar xavfi tufayli Rossiyadan kelgan ayrim jurnalistlarning Parij Olimpiadasini yoritish bo‘yicha so‘rovlarini rad etganini aytdi.

Umuman olganda, huquqni muhofaza qilish idoralari, uning so‘zlariga ko‘ra, Olimpiya o‘yinlarida ishlashga ruxsat berish uchun 960 mingta hujjatlar jamlanmasini tekshirgan.

4,3 ming kishi, jumladan, ko‘ngillilar, stadion ishchilari va sport delegasiyalari a’zolari maxsus ro‘yxatga qabul qilinmadi.

“Rossiya, Belorussiya va boshqa mamlakatlardan” yuzga yaqin kishi, jumladan jurnalistlar, texnik xodimlar josuslik gumonlari tufayli rad etildi.

“Biz O‘yinlarni yoritib boramiz, degan ko‘plab “jurnalistlar”ni rad etdik. Boshqa tomondan, biz Xalqaro Olimpiya qo‘mitasida (XOQ) ishlaydigan rossiyaliklarning bo‘lishiga ruxsat berdik. Biz ehtiyotkorlik tamoyilidan kelib chiqamiz”, - deya tushuntirdi Darmanen.