"Barselona" o‘zining rasmiy sayti orqali Rafa Markesning yoshlar jamoasi bosh murabbiyligidan ketganini e’lon qildi.
45 yoshli mutaxassis o‘z faoliyatida yangi professional vazifani bajarishga qaror qilgani uchun tomonlar hamkorlikni tugatishga kelishib oldilar. "Barselona" rahbariyati o‘z press-relizida Rafa Markesga yoshlar jamoasi boshqaruvidagi ikki yillik faoliyati uchun minnatdorchilik bildirdi. Kataloniyaliklar yosh murabbiyga kelgusi faoliyatida muvaffaqiyatlar tiladi.
Avvalroq matbuotda Markesning Meksika terma jamoasi bosh murabbiyi bo‘lishi haqida ma’lumotlar paydo bo‘lgandi. Eslatib o‘tamiz, Rafa Markes futbolchi sifatida 2003-2010 yillarda "Barselona"da o‘ynagan.
