"Барселона" ўзининг расмий сайти орқали Рафа Маркеснинг ёшлар жамоаси бош мураббийлигидан кетганини эълон қилди.
45 ёшли мутахассис ўз фаолиятида янги профессионал вазифани бажаришга қарор қилгани учун томонлар ҳамкорликни тугатишга келишиб олдилар. "Барселона" раҳбарияти ўз пресс-релизида Рафа Маркесга ёшлар жамоаси бошқарувидаги икки йиллик фаолияти учун миннатдорчилик билдирди. Каталонияликлар ёш мураббийга келгуси фаолиятида муваффақиятлар тилади.
Аввалроқ матбуотда Маркеснинг Мексика терма жамоаси бош мураббийи бўлиши ҳақида маълумотлар пайдо бўлганди. Эслатиб ўтамиз, Рафа Маркес футболчи сифатида 2003-2010 йилларда "Барселона"да ўйнаган.
