"Barselona" yarim himoyachisi Pedri Yevropa chempionatida olgan jarohatidan davolanishda davom etmoqda.

Ispaniyalik futbolchi Germaniyaga qarshi Yevro chorak final o‘yinida Toni Kroos bilan to‘qnashuvda tizzasidan jarohat olgandi. 21 yoshli yarim himoyachi turnirning qolgan qismini o‘tkazib yubordi, ammo bu "qizil furiya"ning kubokni qo‘lga kiritishiga to‘sqinlik qilmadi.

Endi Pedri imkon qadar tezroq safga qaytish uchun hamma narsani qilmoqda. Jurnalist Toni Xuanmarti xabariga ko‘ra, futbolchining qaytishi avgust oyi o‘rtalariga mo‘ljallangan.