"Atletiko Madrid" sardori Koke klub muxlislarini faqat "Real" bilan qarama-qarshilikka qaratmaslik haqida ogohlantirdi.
Kokening so‘zlariga ko‘ra, "Atletiko Madrid"ning maqsadi kelasi mavsum chempion bo‘lish va buning uchun ular butun chempionlik masofasini bosib o‘tishlari kerak.
"La Ligadagi har bir o‘yin mavsumiy maqsadlarga erishish uchun muhim vazifa. Biz faqat "Real" bilan o‘yinlarga e’tibor qaratishimiz mumkin emas, biz har bir o‘yinga to‘g‘ri munosabatda bo‘lishimiz kerak", - dedi Koke.
Madridning "Atletiko" klubi oxirgi marta 2021 yilda Ispaniya chempioniga aylangandi.
