"Manchester Siti" himoyachisi Riko Lyuisning fikricha, Angliya U-21 terma jamoasi bosh murabbiyi Li Karsli kattalar jamoasini boshqarish uchun ideal.

Karsli Yevro-2024 finalida Ispaniyadan uchralgan mag‘lubiyatdan 48 soat o‘tmasdan Angliya terma jamoasi bosh murabbiyligidan iste’foga chiqqanini e’lon qilgan Garet Sautgeytning o‘rniga favoritlardan biri sanaladi.

19 yoshli Lyuis Karslining U-21 jamoasida beshta o‘yinda maydonga tushdi, ammo bu Rikoga Lining mahoratiga ishonch hosil qilishi uchun yetarli bo‘ldi.

"U ajoyib murabbiy, ayniqsa, odamlar bilan munosabatlarni o‘rnatishda. Har safar terma jamoaga kelganimda, u qiziqarli futbol o‘ynashni xohlashini aytadi.

U biz ko‘p gol uradigan va jamoa sifatida yaxshi himoyalanadigan progressiv futbol o‘ynashni xohlaydi. Bu "Manchester Siti"ga o‘xshaydi - biz to‘pni nazorat qilishni va imkon qadar ko‘proq gol urishni xohlaymiz.

Agar u kattalar jamoasiga o‘tsa, bu katta ustunlik bo‘ladi", - dedi Lyuis Daily Mail nashriga.