"Манчестер Сити" ҳимоячиси Рико Льюиснинг фикрича, Англия U-21 терма жамоаси бош мураббийи Ли Карсли катталар жамоасини бошқариш учун идеал.
Карсли Евро-2024 финалида Испаниядан учралган мағлубиятдан 48 соат ўтмасдан Англия терма жамоаси бош мураббийлигидан истеъфога чиққанини эълон қилган Гарет Саутгейтнинг ўрнига фаворитлардан бири саналади.
19 ёшли Льюис Карслининг U-21 жамоасида бешта ўйинда майдонга тушди, аммо бу Рикога Лининг маҳоратига ишонч ҳосил қилиши учун етарли бўлди.
"У ажойиб мураббий, айниқса, одамлар билан муносабатларни ўрнатишда. Ҳар сафар терма жамоага келганимда, у қизиқарли футбол ўйнашни хоҳлашини айтади.
У биз кўп гол урадиган ва жамоа сифатида яхши ҳимояланадиган прогрессив футбол ўйнашни хоҳлайди. Бу "Манчестер Сити"га ўхшайди - биз тўпни назорат қилишни ва имкон қадар кўпроқ гол уришни хоҳлаймиз.
Агар у катталар жамоасига ўтса, бу катта устунлик бўлади", - деди Льюис Daily Mail нашрига.
