"Manchester Yunayted" himoyachisi Leni Yoro "qizil iblislar"ning sevimli futbolchisi kim degan savolga javob berdi.
"Men oldin hujumchi bo‘lganman! Men juda tez va baland bo‘yli edim, shuning uchun ko‘p gol urardim. Tezligim tufayli ko‘pchilik meni Nani bilan solishtirardi. Menga bu futbolchi yoqardi", - dedi Yoro klub rasmiy saytiga.
Nani 2007 yildan 2014 yilgacha "Manchester Yunayted"da o‘ynagan. Bu vaqt ichida portugaliyalik hujumchi 230ta o‘yin o‘tkazib, 41ta gol urdi va 70ta golli uzatmani amalga oshirdi.
18 yoshli himoyachi Yoro 2024 yilning iyulida "Lill"dan "Manchester Yunayted"ga o‘tdi. Transfer summasi 62 million yevroni tashkil qildi, futbolchining klub bilan shartnomasi 2029 yilning yoziga qadar mo‘ljallangan. Transfermarkt Yoroni 50 million yevroga baholamoqda.
