"Yuventus" "Nissa"ga Jan-Kler Todibo uchun yangi taklif yuborishga tayyor.
Bu umumiy summasi taxminan 35 million yevroga sotib olish majburiyati bilan ijara bo‘ladi. 24 yoshli futbolchi Turinga o‘tish uchun hamma narsani qilmoqda.
Yana bir italiyalik jurnalist Fabiana Della Vallening qo‘shimcha qilishicha, fransuz klubi allaqachon bunday transfer formulasiga yashil chiroq yoqqan.
Tomonlar 35 million yevrolik shartnomani muhokama qilishmoqda, bu pullik ijara ("Yuventus" 7 milliondan 10 milliongacha to‘lashga tayyor) + 2025 yilda majburiy sotib olish + bonuslarni o‘z ichiga oladi. Umumiy summa "Nissa"ning 40 millionlik dastlabki so‘roviga juda yaqin bo‘ladi.
Shuningdek, turinliklar rasmiy taklifdan oldin kimnidir sotishi kerakligi qayd etilgan. O‘tgan mavsumda "Roma"da ijara asosida o‘ynagan himoyachi Din Xeysen asosiy nomzod.
