"Ювентус" "Ницца"га Жан-Клер Тодибо учун янги таклиф юборишга тайёр.
Бу умумий суммаси тахминан 35 миллион еврога сотиб олиш мажбурияти билан ижара бўлади. 24 ёшли футболчи Туринга ўтиш учун ҳамма нарсани қилмоқда.
Яна бир италиялик журналист Фабиана Делла Валленинг қўшимча қилишича, француз клуби аллақачон бундай трансфер формуласига яшил чироқ ёққан.
Томонлар 35 миллион евролик шартномани муҳокама қилишмоқда, бу пуллик ижара ("Ювентус" 7 миллиондан 10 миллионгача тўлашга тайёр) + 2025 йилда мажбурий сотиб олиш + бонусларни ўз ичига олади. Умумий сумма "Ницца"нинг 40 миллионлик дастлабки сўровига жуда яқин бўлади.
Шунингдек, туринликлар расмий таклифдан олдин кимнидир сотиши кераклиги қайд этилган. Ўтган мавсумда "Рома"да ижара асосида ўйнаган ҳимоячи Дин Хейсен асосий номзод.
