FIFA matbuot xizmati taqvim haddan tashqari tig‘iz tuzilgani haqidagi ayblovlardan keyin bayonot berdi. Avvalroq, Yevropa futbol ligalari o‘yinlar jadvali yuzasidan FIFAni sudga bermoqchi ekani ma’lum bo‘lgan edi.
"Joriy taqvim barcha qit’alar, jumladan, Yevropa vakillaridan iborat FIFA Kengashi tomonidan FIFPRO va ligalar ishtirokidagi keng ko‘lamli maslahatlashuvlardan so‘ng bir ovozdan ma’qullandi.
FIFA taqvimi xalqaro futbolning ichki va qit’a klublari futboli bilan birga yashashi va rivojlanishini ta’minlaydigan yagona vositadir.
Musobaqalarni o‘zlari tashkil etuvchi va tartibga soluvchi ba’zi Yevropa ligalari tijorat manfaatlaridan kelib chiqib, ikkiyuzlamachilik va dunyodagi barchani mensimaslik uchun harakat qiladi. Bu ligalar o‘rtoqlik o‘yinlari va yozgi turlar bilan to‘ldirilgan kalendarni ma’qul ko‘radi, ko‘pincha dunyo bo‘ylab keng sayohatlarni o‘z ichiga oladi.
Bundan farqli ravishda, FIFA jahon futbolining umumiy manfaatlarini, jumladan, o‘yinning hamma joyida va barcha darajalarida o‘yinchilarni himoya qilishi kerak", — deyiladi tashkilot bayonotida.
