ФИФА матбуот хизмати тақвим ҳаддан ташқари тиғиз тузилгани ҳақидаги айбловлардан кейин баёнот берди. Аввалроқ, Европа футбол лигалари ўйинлар жадвали юзасидан ФИФАни судга бермоқчи экани маълум бўлган эди.
"Жорий тақвим барча қитъалар, жумладан, Европа вакилларидан иборат ФИФА Кенгаши томонидан FIFPRO ва лигалар иштирокидаги кенг кўламли маслаҳатлашувлардан сўнг бир овоздан маъқулланди.
ФИФА тақвими халқаро футболнинг ички ва қитъа клублари футболи билан бирга яшаши ва ривожланишини таъминлайдиган ягона воситадир.
Мусобақаларни ўзлари ташкил этувчи ва тартибга солувчи баъзи Европа лигалари тижорат манфаатларидан келиб чиқиб, иккиюзламачилик ва дунёдаги барчани менсимаслик учун ҳаракат қилади. Бу лигалар ўртоқлик ўйинлари ва ёзги турлар билан тўлдирилган календарни маъқул кўради, кўпинча дунё бўйлаб кенг саёҳатларни ўз ичига олади.
Бундан фарқли равишда, ФИФА жаҳон футболининг умумий манфаатларини, жумладан, ўйиннинг ҳамма жойида ва барча даражаларида ўйинчиларни ҳимоя қилиши керак", — дейилади ташкилот баёнотида.
