"Chelsi" himoyachisi Trevo Chalobaga yangi klub topishga to‘g‘ri kelishi mumkin. Angliyalik futbolchini "ko‘klar"ning mavsumoldi yig‘iniga olib borishmadi, bu esa futbolchining jamoadagi istiqbollari haqidagi shubhalarni tasdiqladi.
Chaloba, garchi u haqiqatan ham buni istamasa ham, o‘z jamoasini o‘zgartirishga majbur bo‘lishini tushunadi va o‘z faoliyatini davom ettirish uchun afzal ko‘rgan variantlarini allaqachon belgilab qo‘ygan.
Jurnalist Nizaar Kinsella xabariga ko‘ra, 25 yoshli futbolchi Chempionlar ligasida ishtirok etuvchi xorij klubga yoki Angliya Premyer-ligasidan yevrokuboklardan birida o‘ynaydigan jamoaga o‘tishga tayyor.
