Londonning “Chelsi” klubi “Napoli” hujumchisi Viktor Osimxenga da’vogarlar ro‘yxatidan chiqib ketdi. "Ko‘klar" yozgi transfer oynasi ochilishidan ancha oldin A Seriya yulduzini qo‘lga kiritish uchun poygada favoritlardan biri hisoblangan edi.

Insayder Fabrisio Romanoning so‘zlariga ko‘ra, “Chelsi” oldidagi asosiy to‘siqlardan biri Osimxenning maoshi bo‘lgan. Tahminan 9-10 million funt sterling. London klubi buni juda ko‘p deb qaror qildi.

25 yoshli nigeriyalik hujumchiga "Arsenal" ham qiziqish bildirgan. Ayni damda Parij klubi futbolchi uchun asosiy va deyarli yagona da’vogar sanaladi.