"Chelsi" bosh murabbiyi Enso Mareska yarim himoyachi Enso Fernandesning qaytishini jamoadoshlari yaxshi kutib olishiga ishonmoqda.
Eslatib o‘tamiz, Fernandes iyul oyi boshida Argentina terma jamoasi bilan Amerika Kubogidagi g‘alabani nishonlash chog‘ida Instagramda translyasiya yo‘lga qo‘yib, Fransiya terma jamoasi futbolchilari haqida irqchilik ruhidagi qo‘shiq kuylaganida “Chelsi”dagi ko‘plab jamoadoshlarining g‘azabiga uchragan edi.
"Futbolchi bayonot berdi, uzr so‘radi va klub ham shunday qildi. Menimcha, bu yerda hech narsa qo‘shib bo‘lmaydi, vaziyat allaqachon aniq.
To‘g‘risini aytsam, uning jamoaga qaytishida hech qanday muammo bo‘lmaydi, deb o‘ylayman. Oxir oqibat, biz hammamiz insonmiz va menimcha, hech birimizning niyatimiz yomon emas.
U yomon odamga aylangani yo‘q. Menimcha, bu yerda mutlaqo muammo yo‘q. Men Enso bilan gaplashdim, ularning ko‘plari bilan gaplashdim. Futbolchi bayonot berdi va uzr so‘radi, hammasiga oydinlik kiritildi", - dedi Mareska Daily Mail bilan suhbatda.
