Parijdagi huquq-tartibot idoralari xodimlari 2024 yilgi Olimpiada o‘yinlarida Isroil va Mali terma jamoalari o‘rtasidagi o‘yinda kuchaytirilgan xavfsizlik choralarini ko‘radi. Bu haqda Fransiyaning L’Équipe nashri xabar berdi.

Manbaga ko‘ra, o‘yin xavfsizligini ta’minlash uchun Mali-Isroil Olimpiadasining guruh bosqichi o‘yini o‘tkaziladigan "Park des Prins" stadioniga mingga yaqin polisiyachi jalb etiladi.

Eslatib o‘tamiz, Mali - Isroil uchrashuvi Toshkent vaqti bilan soat 23:59da boshlanadi. Mali va Isroil terma jamoalari D guruhida o‘ynaydi. Ularning guruhidagi raqiblari Paragvay va Yaponiya terma jamoalaridir.

Eslatib o‘tamiz, Yozgi Olimpiya o‘yinlari Parijda 2024 yilning 26 iyulidan 11 avgustiga qadar bo‘lib o‘tadi. Futbol bo‘yicha ilk o‘yinlar bugun, 24 iyul kuni bo‘lib o‘tadi.