"Atletiko Madrid" "Chelsi" yarim himoyachisi Konor Gallaxerning transferini amalga oshirishga harakat qilmoqda - hozircha muzokaralarda muvaffaqiyatga erisha olmadi.

“Ko‘klar” 24 yoshli futbolchini shartnomasi tugashi bilan bir yildan so‘ng tekinga yo‘qotish xavfidan ko‘ra uni sotishi kutilmoqda. Shunga qaramay, londonliklar tarbiyalanuvchisi bilan xayrlashishga shoshilmayapti. TalkSPORT xabariga ko‘ra, angliyalik yarim himoyachiga asosiy da’vogar "Atletiko Madrid" taxminan 20 million yevro taklif qilgan va bu "Chelsi"ni umuman qanoatlantirmagan. Ingliz klubi rahbariyati deyarli ikki barobar ko‘proq talab qilmoqda.

Transfermarkt ma’lumotlariga ko‘ra Konor Gallaxerning narxi 50 million yevroni tashkil qiladi. Futbolchi “Chelsi”ning asosiy jamoasi safida 95 ta o‘yinda maydonga tushib, o‘n martadan gol va golli uzatmaga mualliflik qilgan.