"Атлетико Мадрид" "Челси" ярим ҳимоячиси Конор Галлахернинг трансферини амалга оширишга ҳаракат қилмоқда - ҳозирча музокараларда муваффақиятга эриша олмади.
“Кўклар” 24 ёшли футболчини шартномаси тугаши билан бир йилдан сўнг текинга йўқотиш хавфидан кўра уни сотиши кутилмоқда. Шунга қарамай, лондонликлар тарбияланувчиси билан хайрлашишга шошилмаяпти. TalkSPORT хабарига кўра, англиялик ярим ҳимоячига асосий даъвогар "Атлетико Мадрид" тахминан 20 миллион евро таклиф қилган ва бу "Челси"ни умуман қаноатлантирмаган. Инглиз клуби раҳбарияти деярли икки баробар кўпроқ талаб қилмоқда.
Transfermarkt маълумотларига кўра Конор Галлахернинг нархи 50 миллион еврони ташкил қилади. Футболчи “Челси”нинг асосий жамоаси сафида 95 та ўйинда майдонга тушиб, ўн мартадан гол ва голли узатмага муаллифлик қилган.
