Olimpiada Argentina futbol jamoasi uchun yomonroq boshlandi. Avvaliga jamoa futbolchisi Tyago Almadaning buyumlari o‘g‘irlangan, keyin esa argentinaliklar shov-shuvli o‘yinda Marokashga 1:2 hisobida imkoniyatni boy berishdi.
Bu esa jamoa bosh murabbiyi Xavyer Maskeranoning noroziligiga sabab bo‘ldi. Marokashliklar bilan o‘yindan so‘ng "albiseleste" bosh murabbiyining har qachongidan ham jahli chiqdi.
"Kecha bizni tunab ketishdi. Bizdan hamma joyda identifikatorni so‘rashadi, keyin shunga o‘xshash narsa sodir bo‘ladi. Bugun muxlislar yetti marta maydonga tushib, keyin bizga qarata petardalar otdilar. Biz mintaqaviy musobaqada emas, Olimpiada o‘yinlarida qatnashyapmiz. Bunday bo‘lmasligi kerak", - dedi Argentina olimpiya terma jamoasi bosh murabbiyi TyC Sports telekanalida.
Shuningdek, u o‘yinda 2:2 hisobi yakuniy ekanligi aytilganini ham ta’kidladi. Shundan so‘ng ular ham, Marokash ham o‘ynashni davom ettirishni xohlamadi.
Eslatib o‘tamiz, Argentina – Marokash o‘yiniga qo‘shib berilgan 105-daqiqada 2:2 hisobida Afrika terma jamoasi muxlislari maydonga yugurib chiqishlari sabab to‘xtab qolgandi. Oradan bir yarim soat o‘tgach, o‘yin davom ettirildi, hakamlar argentinaliklarning ikkinchi golini bekor qilishdi va jamoalarni bo‘sh tribunalar oldida uch daqiqa o‘ynashga majbur qilishdi.
