"RB Leypsig"ning 21 yoshli hujumchisi Benjamin Sheshko Angliya chempionati jamoalari qiziqishiga qaramay, nega nemis klubida qolishga qaror qilgani haqidagi savolga javob berdi.

Oldinroq sloveniyalik futbolchiga Londonning “Arsenal” va “Chelsi” klublari qiziqish bildirayotgani haqida xabar berilgandi.

"Men buni juda ehtiyotkorlik bilan o‘ylab ko‘rdim. Men to‘g‘ri qaror qilganimga ishonaman. Men tajriba orttirishni, ko‘proq o‘rganishni va shoshilmaslikni xohlayman.

“RB Leypsig” – bu menga keyingi qadamni tashlashim uchun kerak bo‘lgan hamma narsani beradigan ajoyib klub.

"RB Leypsig"ning rivojlanish vektori aniq. Hamma narsa taraqqiyotga, yuksak maqsadlarga erishishga qaratilgan. Qabul qilgan qarorim to‘g‘ri ekanini his qildim", — deya Sheshkoning so‘zlarini keltirmoqda Nogomania.