O‘zbekiston milliy jamoasi va “Navbahor” klubi darvozaboni O‘tkir Yusupov faoliyatini Eronda davom ettiradi. Transfermarkt ma’lumotiga ko‘ra, “Fulad” 33 yoshli posbon uchun Namangan klubiga 300 ming yevro to‘lagan.

Yusupov 2019 yildan beri “Navbahor” safida harakat qilib kelgandi. Joriy mavsum darvozabon Superliganing 13 ta turida maydonga tushib, 5 ta o‘yinda o‘z darvozasini daxlsizligini saqlab qolgan. Shuningdek, u “Mash’al”, “Nasaf”, “Neftchi” va “Qo‘qon-1912” klublarida ham faoliyat yuritgan.

Ma’lumot o‘rnida, O‘tkirning yangi jamoasi “Fulad” o‘tgan mavsumda Eron chempionatida 11-o‘rinni egallagan.