Kanada Olimpiya qo‘mitasi Kanada ayollar futbol terma jamoasi bosh murabbiyi Bev Pristmanni dron kuzatuvi bilan bog‘liq mojaro tufayli chetlatganini e’lon qildi.
Kanada delegasiyasi a’zosi boshqargan dron Olimpiada turniri o‘yinidan bir necha kun oldin Yangi Zelandiya terma jamoasi mashg‘ulotlari vaqtida osmonda ko‘rindi. Pristman voqea uchun mas’uliyatni o‘z zimmasiga oldi va o‘yinni o‘tkazib yubordi. Xalqaro futbol federasiyasi tartib-intizom qo‘mitasi ushbu holat yuzasidan tekshiruv boshladi.
"So‘nggi 24 soat ichida biz Parij Olimpiadasi oldidan raqiblarga qarshi dronlardan foydalanish haqida qo‘shimcha ma’lumot oldik. Ushbu yangi faktlarni hisobga olgan holda, biz ayollar milliy futbol jamoasi bosh murabbiyi Bev Pristmanni Olimpiada oxirigacha va yaqinda e’lon qilingan mustaqil tekshiruvimiz yakunlangunga qadar to‘xtatib turishga qaror qildik" - dedi Kanada futbol assosiasiyasi bosh direktori Kevin Blyu.
Jamoani Olimpiadaning qolgan o‘yinlarida yordamchi murabbiy Endi Spens boshqaradi.
Bir kun avval Kanada Yangi Zelandiyani 2:1 hisobida mag‘lub etdi.
