Nussair Mazraui "Vest Xem"ga o‘tmaydi.

Klublar o‘rtasida avval erishilgan kelishuvga qaramay, 26 yoshli himoyachining inglizlar jamoasiga o‘tishi muvaffaqiyatsizlikka uchradi.

"Vest Xem" va futbolchining agenti transfer tafsilotlari bo‘yicha kelisha olmagani uchun kelishuv amalga oshmaydi, deya xabar beradi jurnalist Florian Plettenberg.

Nussair Mazraui endi "Manchester Yunayted"ga o‘tishi mumkin, ular transfer bo‘yicha muzokaralar olib borishmoqda.

Eslatib o‘tamiz, "Vest Xem" "Bavariya"ga 15,5 million yevro va transfer uchun 4 million bonus to‘lamoqchi edi.

O‘tgan mavsumda futbolchi Bundesligada 19 ta o‘yinda maydonga tushib, 3 ta golga assistentlik qilgan.

Mazraui "Bavariya"da 2022 yildan beri o‘ynamoqda - u klubga "Ayaks"dan tekinga kelib qo‘shilgan.