Нуссаир Мазрауи "Вест Хэм"га ўтмайди.
Клублар ўртасида аввал эришилган келишувга қарамай, 26 ёшли ҳимоячининг инглизлар жамоасига ўтиши муваффақиятсизликка учради.
"Вест Хэм" ва футболчининг агенти трансфер тафсилотлари бўйича келиша олмагани учун келишув амалга ошмайди, дея хабар беради журналист Флориан Плеттенберг.
Нуссаир Мазрауи энди "Манчестер Юнайтед"га ўтиши мумкин, улар трансфер бўйича музокаралар олиб боришмоқда.
Эслатиб ўтамиз, "Вест Хэм" "Бавария"га 15,5 миллион евро ва трансфер учун 4 миллион бонус тўламоқчи эди.
Ўтган мавсумда футболчи Бундеслигада 19 та ўйинда майдонга тушиб, 3 та голга ассистентлик қилган.
Мазрауи "Бавария"да 2022 йилдан бери ўйнамоқда - у клубга "Аякс"дан текинга келиб қўшилган.
