"Tottenxem" bosh murabbiyi Ange Postekoglu muxlislarni sabrli bo‘lishga chaqirdi.
“Yilning bu faslida muxlislar uchun qiyin davr – ular barcha ma’lumotlarga ega emaslar va ko‘pincha noto‘g‘ri ma’lumotlarga duch kelishadi. Biz yangi o‘yinchilarni qo‘lga kiritish uchun bor kuchimizni ishga solyapmiz. Bu jarayonda ba’zan sabr-toqatli bo‘lishingiz kerak.
Ba’zida ishlar ko‘ngildagidek bo‘lmaydi va siz xohlagancha tez bitimlar tuza olmasligingiz mumkin, ammo intizomli bo‘lish muhim. Biz asl rejaga amal qilamiz, lekin sodir bo‘layotgan hamma narsani nazorat qila olmaymiz”, — dedi Postekoglu matbuot anjumanida.
