"Тоттенхэм" бош мураббийи Анге Постекоглу мухлисларни сабрли бўлишга чақирди.
“Йилнинг бу фаслида мухлислар учун қийин давр – улар барча маълумотларга эга эмаслар ва кўпинча нотўғри маълумотларга дуч келишади. Биз янги ўйинчиларни қўлга киритиш учун бор кучимизни ишга соляпмиз. Бу жараёнда баъзан сабр-тоқатли бўлишингиз керак.
Баъзида ишлар кўнгилдагидек бўлмайди ва сиз хоҳлаганча тез битимлар туза олмаслигингиз мумкин, аммо интизомли бўлиш муҳим. Биз асл режага амал қиламиз, лекин содир бўлаётган ҳамма нарсани назорат қила олмаймиз”, — деди Постекоглу матбуот анжуманида.
