Gruziyalik Nino Salukvadze o‘z faoliyatidagi o‘ninchi Olimpiadasida qatnashib, kanadalik chavandoz Yan Millarning rekordini takrorladi.
55 yoshli Salukvadze 27 iyul kuni 10 metr masofaga pnevmatik to‘pponchadan o‘q otish bo‘yicha saralash bosqichida qatnashib, 44 nafar ishtirokchi orasida 38-o‘rinni egallab, finalga chiqa olmadi.
Salukvadze birinchi marta 1988 yilda SSSR terma jamoasi tarkibida Olimpiya o‘yinlarida qatnashgan.
O‘shanda u 25 metrga to‘pponchadan o‘q otish bahslarida oltin, shuningdek, 10 m masofa bo‘yicha kumush medalni qo‘lga kiritgan, 2008 yilda Pekinda bo‘lib o‘tgan o‘yinlarda Salukvadze 10 metrga o‘q otishda bronza medalini qo‘lga kiritgan.
