"Milan" Yusuf Fofananing transferi bo‘yicha ilk rasmiy taklifni yubordi.
Insayder Janluka Di Marsio xabariga ko‘ra, "rossonerilar" yarim himoyachini 17 million yevro evaziga sotib olishga harakat qilgan. Futbolchini 35 million yevroga baholagan "monegaskliklar" bunday shartlarga rozi bo‘lmasligi kutilmoqda.
Qayd etilishicha, 25 yoshli fransiyalik futbolchini arzonroq sotib olish mumkin, ammo yarim narxda emas.
Shuningdek, so‘nggi soatlarda "Monako" Premyer-liga klubidan katta taklif oldi, ammo u yevrokuboklarda qatnashmaydi va shuning uchun futbolchining o‘zi ham bu taklifni ko‘rib chiqishni istamayapti.
Avvalroq yarim himoyachiga "Manchester Yunayted" va "Atletiko" klublari qiziqish bildirayotgani haqida xabarlar tarqalgan edi.
