"Милан" Юсуф Фофананинг трансфери бўйича илк расмий таклифни юборди.
Инсайдер Жанлука Ди Марцио хабарига кўра, "россонерилар" ярим ҳимоячини 17 миллион евро эвазига сотиб олишга ҳаракат қилган. Футболчини 35 миллион еврога баҳолаган "монегаскликлар" бундай шартларга рози бўлмаслиги кутилмоқда.
Қайд этилишича, 25 ёшли франциялик футболчини арзонроқ сотиб олиш мумкин, аммо ярим нархда эмас.
Шунингдек, сўнгги соатларда "Монако" Премьер-лига клубидан катта таклиф олди, аммо у еврокубокларда қатнашмайди ва шунинг учун футболчининг ўзи ҳам бу таклифни кўриб чиқишни истамаяпти.
Аввалроқ ярим ҳимоячига "Манчестер Юнайтед" ва "Атлетико" клублари қизиқиш билдираётгани ҳақида хабарлар тарқалган эди.
