«Jirona» hujumchisi Artyom Dovbik faoliyatini «Roma»da davom ettirishi mumkin.

Jurnalist Fabrisio Romanoning xabar berishicha, Italiya klubi 27 yoshli futbolchi uchun birinchi taklifni tayyorlagan. Qayd etilishicha, rimliklar Dovbik uchun bonuslar bilan birga 35 million yevro to‘lashga tayyor.

Aniqlik kiritilishicha, klublar o‘rtasidagi muzokaralar keyingi haftada bo‘lib o‘tadi. Jurnalistning ta’kidlashicha, hujumchining o‘zi allaqachon «Roma» bilan shaxsiy shartnomasi shartlarini kelishib olgan.