Avstraliyalik velosportchi Lukas Plapp 2024 yilgi Olimpiya o‘yinlarida halokatga uchraganidan so‘ng jarrohlik amaliyotini boshdan kechirdi. Bu haqda Avstraliya velosport jamoasi matbuot xizmati xabar berdi.
Musobaqa yomg‘ir ostida bo‘lib o‘tdi. Plapp katta tezlikda to‘siqqa borib urilgan. U birinchi oraliq segmentda to‘rtinchi natijani ko‘rsatdi.
Velosipedchi Fransiya kasalxonasiga olib ketilgan va u yerda shanba kuni kechqurun qorin bo‘shlig‘idan operasiya qilingan.
Avstraliya Olimpiya qo‘mitasi bayonotiga ko‘ra, sportchi kasalxonada ota-onasi va jamoa shifokori tomonidan qo‘llab-quvvatlangan.
23 yoshli Plapp 2020 yilgi Olimpiada bronza medali sovrindori hisoblanadi.
