"Manchester Yunayted" yangi uy stadioni qurish haqida o‘ylamoqda.

Sky Sports nashri xabariga ko‘ra, "Old Trafford"ni ta’mirlash bo‘yicha guruh yangi arena qurish mavjud stadionni ta’mirlashdan ko‘ra tejamkorroq deb hisoblaydi. 100 000 o‘rinli stadion qurish tavsiya etiladi - agar loyiha amalga oshirilsa, yangi "Manchester Yunayted" stadioni Buyuk Britaniyadagi eng katta stadionga aylanadi.

Xabar qilinishicha, "Manchester Yunayted" "Old Trafford" yonidagi klubga tegishli maydonda qurilishi taklif qilinayotgan loyihaning maqsadga muvofiqligi bo‘yicha bir necha uchrashuvlar o‘tkazgan. Klub hozirda stadionni ta’mirlash bo‘yicha muvaffaqiyatli loyihalarni, jumladan "Santyago Bernabeu" va Los-Anjelesdagi "Sou-Fay" stadionlarini, shuningdek, "Uembli" va "Tottenxem" stadionlarini o‘rganmoqda.

Bundan tashqari, ishchi guruh loyihani moliyalashtirish masalasini ko‘rib chiqmoqda – potensial xususiy investorlarning keng doirasini o‘rganish rejalashtirilgan. Yil oxirigacha to‘liq tavsiyanoma tayyorlanishi kutilmoqda.

BBC ma’lumotlariga ko‘ra, yangi stadion qurilishi 2 milliard funt sterlingdan oshadi. "Old Trafford"ni ta’mirlash, o‘z navbatida, taxminan 1,2 milliard funt sterlingga tushadi va uzoq davom etadi.