Madridning «Atletiko» klubi Artyom Dovbik o‘rniga Aleksandr Serlotni sotib olishi mumkin.

Avvalroq «Jirona» forvardining transferi xavf ostida ekanligi ma’lum bo‘lgandi - Dovbikning agenti «jiddiy loyihani ko‘rmaganini» aytdi. Ukrainalik futbolchi «Roma» bilan muzokara olib bormoqda.

Shu munosabat bilan madridliklar norvegiyalik hujumchiga yana qiziqishni tiklashdi. Serlot dastlab klubning bu pozisiyadagi asosiy maqsadi edi, ammo «Vilyarreal» futbolchini faqat 38 million yevrolik tovon puli faollashtirilgan taqdirdagina qo‘yib yuborishga tayyor. Shuning uchun «Atletiko» Dovbik variantiga o‘tdi - «Jirona» kelishuvning turli variantlarini muhokama qilishga tayyor edi.

Madrid jamoasi «Vilyarreal» bilan to‘lov tuzilmasi bo‘yicha kelishib olishga harakat qiladi, bu esa tovon pulining bir martalik to‘lanishini nazarda tutmaydi.

Serlot o‘tgan mavsumda La Ligada Dovbikdan keyin ikkinchi to‘purarga aylandi. Norvegiyalik futbolchi 34 uchrashuvda 23 ta gol urdi va 6 ta golli uzatmani amalga oshirdi.